Happy Divali

Happy Divali
Zordi fet Divali
Devant la porte nou met rangoli
Cuit gato batate mem si chaleur p faire toi affaibli
Faire nettoiyaz, ramasse feyaz , e oui mission accompli
Pa ravioli, ni brocoli ki nou pou manzE, mais ban gato bien embelli
Manz gato e partazE aussi ek voisine lili
zot tou habille bien zoli zoli
Dadi pou mem met so ” patli
Ek sms Happy Divali, portab pou rempli
Decor lakaz ek l’ampoule elektrik et place la lampe la terre lor Sali
PriyE bondiE Lakshmi pa mama Kali
Petard ek feux d’artifice faire ravaz e ban toutou p mem cachiet enba lili
Fet la lumiere cot celebrE victoir du bien sur le mal ek 1 le cœur poli
Zordi cot voisin nou pou bien accueilli
pou manz gato Divali.
A tou ban frer e sœur ; mo souhaite zot Happy Divali.
 divali_IMG_7048
Advertisements

Nous appelle zot Mesdames, Mesdemoiselles ou dames

Ena tant de choses a dire sur ban fam,
Ban jeunes, jolies dames
Et mo pou dire li dans mo slam,
Mem si pou célébré zot, nou pan met ban oriflammes.

Charmante, beauté fatale, zot ena aussi la douceur dans l’âme,
Mo bizin avoué qui la plus belle creation bon dieu, c’est ban fam.
Nous appelle zot Mesdames, Mesdemoiselles ou dames.

Respect a banla kin donn toi la vie et dans toi, zot allume la flame,
et zot mem faire face a bann blames,
Nous appelle zot Mesdames, Mesdemoiselles ou dames.

Ki zot dans buro, dans caro, dans lakaz ou zot ban sage fam,
Zot tou ansam, ansam
en amalgam,
zot dessine to la vie comme enn zoli diagramme
Nous appelle zot Mesdames, Mesdemoiselles ou dames.

Mais pas rode l’amerdement, sinon to la vie pou vinn enn drame, voir mem enn melodrame
Lor to le corps zot pou zouer dam,
Et zot pou coupe coupe toi ek zot la langue ki comment dire lam
Nous appelle zot Mesdames, Mesdemoiselles ou dames.

Rodeur l’attention, c’est enn de ban milliers caractéristik enn fam
Ena ki grand noire, prend zot pou haut de gammes
Ena ki content faire tam tam
Neanmoins mem si fam haiir fam
Zamais to pou capav match zot par ene miligramme

Mais toute fois ban fam zot doux comment dire aspartame
Et zot gate toi avec ban manzé miam miam
Ki to sorti Notre Dame ou Surinam, to bizin respecté ban madam

Alors en cette journée de la femme
a nous célébré et honore zot ki nous appelle mesdammes, Mesdemoiselles ou dames.
superfemme-1024x568

50 ans l’Indépendance de nou ti zil hors pair

Apre labolition lesclavaz, pliss ki 400 milles travailleurs traverse la mer,

Hindou, musulman, sinoi, zot tou ti envie trouve simé la lumière,

Zot in tenté par enn ban propos prometteurs,

Ki quand pou dévir ross pou gagne trézor pou combat la misère.

Nou ban ancett dessan a Coolie Ghat dans lespoir trass enn la vie meilleure,

Malheureusement, zot découyoneé par ban menteurs,

Mais nou ban ancett, nou ban girmitiyas accepter travay pou enn ti salaire,

Et après enn contrat de 5 ans, zot rester pou nou gagne enn la vie meilleure.

Zot ban laboureurs,

Zot kin travay la terre,

Zot kin faire face la misère,

Zot kin passé dans enn martyre,

Zot kin viv dans l’enfer,

Zot in lutte ek tous zot le coeur,

Pou nou l’avenir.

Après boucou l’années, zot donne naissance a enn homme révolutionnaire

Ki pou reconnu comme père de la nation de nou ti zil hors pair,

Sir Seewoosagur Ramgoolam grandi, vinn docteur

Pou sauve nou lepep ki ti p viv dans la misère

L’homme visionaire,

Faire demande nous l’indépendance auprès la reine l’Angleterre.

1968, c enn nouvo l’ère,

Nous pavilion quadricolor monte en l’air,

Rouz, blé, zonn, vert,

Tous Mauriciens tinn senti zot fière,

Fière de nou l’héritaz, nou kiltir et nou valeur

Le 12 Mars 1968, nou in célèbre nou liberté et nou l’anniversaire.

Development finn faire

Progrès dans plizir secteurs,

Mais pli important noun vinn riss avec l’education gratis ban frères et soeurs,

L’éducation, la clé tous bans development majeurs,

L’éducation, ki in faire nou vinn ban personnes meilleures,

L’éducation, kin faire nou vinn libre et in aide nous traverse plusieurs barrières,

L’éducation, samem nou cado, très cher.

Moris c enn ti zil bien zoli avec plizir communautés et plizir kiltir,

Nou viv dans la paix et dans la fraternité et nou fière,

Fière d’etre Mauricien, ban frères, soeurs.

Zeness, toi ki nou protecteur,

Anou viv comme enn sel lepep, enn sel nation, la main dans la main, pou enn bon future,

Anou mett à l’honneur,

Nou pavillon 4 couleurs

et nou donne nou ti zil tropical so valeur

en ce 50ème anniversaire.