Mo enn professeur, mo senti mwa fière

Tou ti commencé, par enn ti pensée à la manière,
ki travail enn professeur, li facile et super.
Zero stress, congé, l’école termine bonheur,
rentre lacaz avant quatre heures.
La vie en rose avec enn sourire d’enfer.

Mais enn seul cou, monn tombe dans la galère,
quand monn vinn MIE, dans l’institution tertiaire,
cot monn vivre ban moments de bonheur,
mais aussi ban expériences austères,
kinn faire moi gagne bann égratignures.
Travail professeur, pas si facile, mo ban frères ; sœurs !
Ena ban moments to trouve zéclair,
et to l’esprit tourne comment hélicoptère.
Mais monn commence grandi et vinn mature
par tou ban modules ki mo ban lecturer in instruire
comment curriculum, didactics, PPS, encore ban lezot matières.

A la MIE to pou trouve teacher training bien militaire.
Mo pa Shakespeare, ni Voltaire,
mais ban assignments in rend mo la vie amer, super dur,
mais tou sa la in faire mwa vin bon dans mo filière,
et in pousse moi a réfléchir ,
ki dans domaine l’enseignement, ena boucou travail a faire.

Dans lesson planning, monn vinn enn expert,
grace a module « Principles of Teaching and learning » et Bloom’s taxonomy bien sure,
monn apran differentiation, evaluation, classroom management, language teaching, ICT et encore boucou pa bizin dire.
Tou sa la in rend mo la vie meilleur, mem si monn faire boucou erreur dans mo sphère.

L’école ti enn champ de bataille pou moi mo bizin avoué frère et sœur,
mo ti peur,
zelev faire mwa gagne nerf,
et zot ti p prend mwa pou zot adversaire.
Au début, dans comprend zelev, monn faire ban erreur,
monn faire face a ban situation ki faire twa envie zet to lecorp dans la rivière.
Monn découvert,
ki sak zelev différent et unique quand monn alle faire stage dans l’école sécondaire.
Ena ki divoltere, bien désordeur, ki faire l’école buissonnière, ki faire toi gagne arret du cœur.
Ena ki ban bon travailleur et sème la joie comment ban fleurs, ki rend to la vie zoli comment ban fougère.

Mo levé, tombé dans mo parcour professeur,
mo pou contigne milité dans mo parcour mem si mo encore amateur.
Monn réaliser ki quand to calmé toi ek enn sourire,
li vinn facile à gère ban situations sans faire colère.
Ban motivational and learning theories in faire moi vinn populaire,
Socio-emotional development, cognitive development, Maslow’s deficiency of needs,
intrinsic and extrinsic motivation et boucou d’autre critère, comment dire recette grand-mère,
in faire moi commence vinn enn bon professeur.

La vie enn professeur, li pa en rose bien sure,Aster nepli bizin etre trop sévère,
nepli bizin criyé, crée tonnerre
pou gère la classe bien sure.
Critical incident in faire mwa trouve zéclair,
crazé, vinn la poussière,
mais monn re-levé comme enn médailleur.
Monn apran a accepté l’opinion ban collègues et zelev sans crée la barrière,
sans faire enn figir boxeur.

mais mo senti mwa fière,
et mo toujours envie contigne mo l’aventure
et contigne apran pou faire mo carrière.

Après un an et demi, monn grandi et monn trouve simé la lumière,
mo fière et faire mo carrière dans professorat c’est mo désir.
Levé, tombé sans cesse, mo contigne apran mo ban grammaires et littérature.
Mo parcour li comment enn la rivière
ki contigne allé dans enn l’océan grandeur nature.
Apran jamais fini dow mo frère et sœur.
Enn  professer li bizin pa peur,Mo enn professeur, mo bien fière
Anglais c’est mo filière.
Bizin expert dans la matière,  zot dire.
Mais mwa mo pensé apart conne to filière tou ban camarade ki ici d’ailleurs, to bizin dinamik bien sur,
To bizin montré to zelev simé la limière,
Bon manière,
Ban valeurs,
Et pa bizin ena okenn barrière,
Sinon to zelev pou gagne twa amer,
Zot pou traite twa comment ene vipère.

Mem si ban zelev ran to la vie misère,
Mem si zot faire twa passe enn martyre,
Mem si zot montré twa l’enfer,
Et mem si zot vulgaire,
To bizin touzour ena patience, reste courageuse et fière,
Moris c’est enn ti zil bien zoli, avek plizir kiltir,
Alors en tant ki professeur, to bizin atann gagne bann zelev kalitE lor couleur.

To bizin pa peur,
Pa faire colere,
Pa seme la terreur,
Parceki, to ban zelev c to ban zenfants, très chère,
Zot tou compte lor twa pou produire  ban bon citoyen du futur,
Pou nou pays to ene docteur,
To aussi responsable developement la zenness, apart lire et ecrire,
To dans enn bataille cot pou bienetre to zelev,to bizin laguerre,
C’est sa mo l’identitE, ma chere,
Mo enn professeur, mo bien fière !

                                pizap.com14145162756991

Listen to audio recording here: https://www.youtube.com/watch?v=R5IFMo-Jo_o

Advertisements